Проектот зелени училишта проширен во нови 15 ОУ низ Македонија |
|
На 10 октомври 2009, Извршниот Директор МДЦ-ТИ.НЕТ и Раководител на Проектот на УСАИД за рециклирање на пластика, Аријан Тоска го потпиша договорот со Академијата за развој на образованието, која го спроведува Проектот на УСАИД за оснoвно образование. Во новата фаза проектот ќе биде спроведен во нови 15 основни училишта во Македонија. Училиштата ќе бидат поканети преку јавен повик да конкурираат за учество во програмата. (повеќе диркетно на линкот за Зелени училишта www.greenschools.org.mk). Пилот-фазата на проектот Зелени училишта се спроведе во 5 училишта низ Македонија во периодот 1 јуни 2008- 31 јули, 2009. Пилот-фазата резултираше со методологија за трансформација на училиштата во средини што ќе бидат пример за: енергетска ефикасност, правилен третман и селекција на отпад, заштеда на вода и промена на навиките за траспорт до училиштата. Во сите училишта беа основани и Зелени клубови, кои работеа според стандардот ИСО 14000 адаптиран на потребите на училиштата. Со цел да се вршат континуирани мерења и следења на состојбите, како и изведување активности за подобрување на истите, училиштата добија фотоапарати, велосипеди и грант за спроведување на проекти креирани од учениците. Во текот на проектот учениците од Зелените Клубови организираа активности за подигање на јавната свест на ниво на училиште како и во заедниците. На крајот на проектот беа испечатени и дистрибуирани Прирачник за наставниците за спроведување на програмата во училиштето и Дневник за следење на состојбите во училиштата.
|
|
|
